SCIALPINISTICA FlatschSpitze/Cima Vallaccia del 26/10/2010

Cavà la divisa da pubblico ufficiale (ma se sarai rendèsti cont che i ghe l'eva data a n'austriaco?) per le comunità de val, son pront per molar for le gambe: gh'è da nar! E co la megafiocada che l'ha fat sto colp podém provar a partir bassi: ne basta no esser massa sui sassi vist el poc fondo, e neanca massa a est, che la perturbaziom la va via con calma... giro de telefonae e alla fim el Yenkyy el lancia el sass: Cima Vallaccia al Brennero! De sicur el vent da lì nol ne lo caverà nessuni, ma i prai sotto i ne salverà bem i assotti! Treffpunkt alle 7 col Davide al ZuffalPark e alle 7 1/2 col Yenkyy e l Renrav al casèl de Egna. Ancoi l Yenkyy l'ha portà drio anca el Nanuq (l cagn), quindi trém tutti i sci a bordo dela sò auto e dopo la solita pausa caffè all'autogrill de Brixen per le 8 e 1/4 smontém al Brennero: che frett!!! A vardar le zime entorno tira na bela aria e le nuvole sora no le s'è ancor cavae. Beh, almen i sci ai pei podém meterli alla macchina: anzi, co la machina no podém neanca narghe al vers al parcheggio oltre el sottopasso: el mesòm no l'è ancor passà! El pù eccità de tutti ancoi l'è el cagn: l'ha sbaià i ultimi 20 minuti de auto che no sento pù da na recia... e quando el salta zo'... ahahha! el g'ha enfim le zopèle per la nef!! ...e senza vardar en faccia nessuni el se dilegua en tel bosc. Partìm su per el bosc su per en sentér: doveresém encrosar prest la zona disboscada della vecia pista da sci. Diaolopo', che ravanada: ghe n'è subit mezz metro de fresca, tutt da tracciar, e per scominziar taca a alternarse el Yenkyy col Renrav. A vardar la cartina la pista la passa a destra (sud), quindi scominziém na longa ravanada per scavezar via per el bosc senza guadagnar quota. Entant el cagn el s'è dileguà e dopo na mezzora el ne raggiunge senza zopèle e dalla nef ghe vanza su a malapena el muss!!! E quindi el se caccia drio de noi en traccia en religioso silenzio. Ricontrollà cartina e mappe GPS col mitico telefonin del Kepo (ehhehe... vardè che adess, se pol veder endé che l'è en tempo reale!!! http://www.google.it/latitude/apps/badge/api?user=-6677332738423531061&type=iframe&maptype=roadmap&hl=it ) ne scorzem che sem nai massa a sud... dovem tornar de volta!! E allor, ciapando pochi metri per volta scominziem a tracciar vers nord. Passà for n canal pien de nef, sul doss boschivo se sfonda en po' de men, e allor, continuém de zete entrà le piante sulla dorsale finché encrosem la strada. Da qi, costeggiém en rì sotto n'altra dorsale (ehhe.. Nanuq, el cagn, el g'ha bem rispett a saltar for el rì! Nol g'ha miga sotto i pei en metro e setanta de assotti!), quindi altre quattro belle zete, tochétim de bosc e saltém for sotto na malga alla base de n paesòt abbandonà. E qi saltém for dal limite del bosc e in campo aperto se daverze for anca el zél! Gran bella serenada, anca se a vardar su le greste tira su n'aria da paura! L'è zà le 11 e 1/2 che dopo na prima pausa cioccolata ripartim a tracciar su per el paess: diaolopo' quanta!!! Sempre de pu'!! E qi me metto a tracciar ben anca mi: oltre alla nef fonda, gh'è anca el caign che drio, per no sfondar, el posta le zate sulle coe dei me sci a ogni pass! Passà el paess, la tribolada l'è guadagnar la dorsale sfondando oltre el ginocio a ogni pass, quindi saltai finalmente en gresta arrivem al prim ripetitor esposti de colp a en ventaz da paura: ma almen qi la nef l'è stada pressada dal vent e la porta. Col frett che l'è se trà su subit el passamontagna e anca grazie alla convinziom del Renrav de arrivar en vetta altri 300m sora, no molem e avanti a testa bassa. A parte na pausa forzada de 5 minuti per risponderghe al boss en ditta (che l vol mandarme a Cuba a laorar! ..anca se po' alla fim l'è la solita illusiom: mejo pensar a goderse le skialp!) e diaolini che va e vem, finalmente vers le 3 sem al Berg Heil! Na pausa veloce, zò le pèl e entant che la molém vers val ne ciapa le nebbie: che tribolada! Per fortuna, tornai sotto gresta, saltem for dalla nuvola e riusim a sciar agevolmente fim alla piana del paess, endò raggiungem anca na mandria de Angus restai intrappolai en mezz alla nef. Da qi, se sfonda de nof a manetta, e ciapà la vecia pista da discesa, sciar l'è propri en mazèl, ma tra en rugolom e l'altro, per le 4 e 1/4 sem zà alla macchina.










Un'ora comoda de ravanada su per el bosc a zercar la vecia pista...
...e finalmente arrivém sula forestale...
el caign Nanuq el ghe n'ha propri en goso a star davanti...
..e difatti el se allinea, lasando el Kepo a batter traccia: diaolopo'... oltre che alzar i sci, adess ghe toca anca alzar el caign che el se posta sempre co le zate ale coe dei asoti!
Puntem alla dorsale e i veci skilift, puntando prima ai masi...
...non senza qualche insidia... busi tra i rododendri!
..e na volta sulla dorsale, essendoghe nef sventada, finiss la tribolada del tracciar..
...ma... che vent!!! Ero convint che ne saresem girai al baitèl... ma el Renrav l'è propri convint: gh'è da nar!
..e allor, passamontagna alla man, e avanti n'altra ora...
...fim all'antizima, e finalmente...
...Berg Heil! Diaolopo' che frett!!!
La sciada en zo', con tuta la nef che gh'è, l'è en pel problematica...
...ma ai Angus, restai bloccai en la nef da dò dì a 2000m de quota... la ghe va pèzo!
E allor... anca questa l'è fatta e se pol brindarghe sora co na biretta... ma... endei finidi i sani principi del Don't drink and drive??? ;-)


Ste pagine l'e' stae cargade volte da visitatori dal 3 de agost 2005